Punëtoria Ndërinstitucionale “Exploring opportunities for adopting ESG Voluntary Guidelines in the Banking Sector”

Punëtoria u hap nga Petrit Balija, Kryeshef Ekzekutiv i Shoqatës së Bankave të Kosovës, Visar Perani, Zyrtar i IFC-së për Kosovën dhe Maqedoninë e Veriut, Suat Bakkal, Kryetar i Bordit të Drejtorëve të Shoqatës së Bankave të Kosovës dhe Kryeshef Ekzekutiv i BKT Kosova, dhe Dardan Fusha, Zëvendës Guvernator i Bankës Qendrore të Republikës së Kosovës, ku ata theksuan rëndësinë e bashkëpunimit ndërinstitucional për avancimin e praktikave ESG në sektorin bankar.

Kjo punëtori është një hap i rëndësishëm drejt adoptimit të Udhëzimeve Vullnetare për ESG në sektorin bankar duke përfshirë pjesëmarrjen e përfaqësuesve nga sektori bankar dhe Banka Qendrore e Republikës së Kosovës. Punëtoria synon harmonizimin me standardet ndërkombëtare dhe praktikat më të mira, në funksion të një të ardhme të qëndrueshme.

Punëtoria u zhvillua në katër sesione ku temat kryesore ishin:

Përputhshmëria rregullative me standardet ESG

Menaxhimi i rreziqeve ESG dhe kryerja e vlerësimeve të ndikimit

Eksplorimi i mundësive që ofron IFC për bankat

Ndërtimi i kornizave të fuqishme për monitorim dhe raportim

Punëtoria përfshiu diskutime interaktive në grupe, u dha hapësirë për pyetje dhe reflektime, duke u fokusuar në hapat e ardhshëm dhe mundësitë për bashkëpunim të mëtejshëm në fushën e qëndrueshmërisë.