🔐 Takim ndërinstitucional për sigurinë fizike

Përfaqësues nga institucionet kyçe publike Policia e Kosovës ,Ministria e Punëve të Brendshme,Banka Qendrore e Republikës së Kosovës, kompanitë e kontraktuara të sigurisë dhe sektori bankar u mblodhën për të diskutuar sfidat dhe zhvillimet në fushën e sigurisë fizike.

Në fokus ishin temat që lidhen me standardet e sigurisë, pajisjet teknike, autorizimet e veçanta dhe forcimin e bashkëpunimit ndërinstitucional.

U analizuan gjithashtu edhe praktikat ndërkombëtare, me qëllim përmirësimin dhe modernizimin e mëtejmë të sektorit.

Diskutimi i hapur solli propozime konkrete për hapat e ardhshëm në mbrojtje të infrastrukturës kritike dhe forcimit të sigurisë publike.

Falë këtij bashkëpunimi të suksesshëm, gjatë vitit 2024 nuk është shënuar asnjë incident i sigurisë fizike në sektorin bankar në Kosovë – një arritje domethënëse për të gjithë akterët e përfshirë.