21.11.2023

Shoqata e Bankave të Kosovës së bashku me German Sparkassenstiftung Kosovo kanë organizuar një trajnim mbi edukimin financiar dhe rëndësinë e kursimit

Shoqata e Bankave të Kosovës në partneritet me Deutsche Sparkassenstiftung für internationale Kooperation në Kosovë (Sparkassenstiftung) kanë nisur Fushatën “Fuqizimi i Financave” si një hap inovator dhe i rëndësishëm për zhvillimin ekonomik. Duke bashkuar ekspertizën dhe burimet e tyre, të dyja organizatat synojnë të nxisin përfshirjen financiare dhe fuqizimin ekonomik për individë dhe komunitete në të gjithë Kosovën.

Gjatë një ligjërate të mbajtur në Kolegjin UBT, në lëndën Institucionet Financiare dhe Tregjet e Kapitalit, me studentët e vitit të tretë në kuadër të kampanjës informuese “Fuqizimi Financiar” trajneret e Shoqatës së Bankave të Kosovës zhvilluan aktivitetin "Savings Game".

“Savings Game” është një trajnim atraktiv që ka për synim të mësoj të rinjtë menaxhimin e buxhetit dhe praktikën e të kursyerit me anë të simulimit të situatave reale me të cilat përballemi në jetën tonë të përditshme.

Fushata "Fuqizimi i Financave" është një hap i rëndësishëm drejt ndryshimit pozitiv, e cila nëpërmjet ekspertizës globale dhe vendore kërkon të rrisë edukimin financiar të qytetarevë dhe të nxis fuqizmin ekonomik të Kosovës.

Për redaktuesit:

Shoqata e Bankave të Kosovës (SHBK) është organizata që përfaqëson dhe mbronë interesat e bankave komerciale në Republikën e Kosovës.

Sparkassenstiftung u themelua në Gjermani si institucion që ofron mbështetje proaktive në edukimin financiar me qëllim që zhvillimi ekonomik dhe social të ndodhë në mënyrë të qëndrueshme në nivele kombëtare e rajonale përmes shërbimeve të orientuara nga nevojat dhe trajnimet profesionale.

Lajme

Shoqata e Bankave të Kosovës së bashku me German Sparkassenstiftung Kosovo kanë organizuar një trajnim mbi edukimin financiar dhe rëndësinë e kursimit